സി​പി​എ​മ്മി​ല്‍​നി​ന്ന് പു​റ​ത്താ​ക്ക​പ്പെ​ട്ട​വ​ർ  കൈ​കോ​ർ​ത്തു പി​ടി​ച്ചു; കൃ​ഷ്ണ​പു​ര​ത്ത് എ​ല്‍​ഡി​എ​ഫി​ന് ത​ല​വേ​ദ​ന​യാ​യി ജ​ന​കീ​യ​മു​ന്ന​ണി

കായം​കു​ളം: കൃ​ഷ്ണ​പു​രം പ​ഞ്ചാ​യ​ത്തി​ൽ സി​പി​എ​മ്മി​ൽ​നി​ന്ന് പു​റ​ത്താ​ക്ക​പ്പെ​ട്ട​വ​ർ ചേ​ർ​ന്ന് ജ​ന​കീ​യ മു​ന്ന​ണി രൂ​പ​വ​ത്ക​രി​ച്ച് സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച​ത് എ​ൽഡിഎ​ഫി​ന് തി​രി​ച്ച​ടി​യാ​കു​ന്നു.കൃ​ഷ്ണ​പു​രം പ​ഞ്ചാ​യ​ത്തി​ലെ ആ​റ്, ഏ​ഴ്, പ​തി​നേ​ഴ് വാ​ർ​ഡു​ക​ളി​ലാ​ണ് ജ​ന​കീ​യമു​ന്ന​ണി സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച​ത്.

തെര​ഞ്ഞെ​ടു​പ്പ് പ്ര​ഖ്യാ​പി​ക്കും മു​മ്പേ ജ​ന​കീ​യ മു​ന്ന​ണി​യു​ടെ തെര​ഞ്ഞെ​ടു​പ്പ് പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​ക​യും വാ​ർ​ഡു​ക​ളു​ടെ വി​വി​ധ ഭാ​ഗ​ങ്ങ​ളി​ൽ ഫ്ലെ​ക്സ് ബോ​ർ​ഡു​ക​ൾ സ്ഥാ​പി​ക്കു​ക​യും ചെ​യ്തി​ട്ടു​ണ്ട്.സി​പി​എം കാ​യം​കു​ളം ഏ​രി​യ സെ​ന്‍റർ അം​ഗം കൂ​ടി​യാ​യ കൃ​ഷ്ണ​പു​രം പ​ഞ്ചാ​യ​ത്തം​ഗ​ത്തി​ന്‍റെ വാ​ർ​ഡി​ൽ ഗ്രാ​മ​സ​ഭ കൂ​ടു​ന്ന​തി​ൽ വീ​ഴ്ച വ​രു​ത്തി​യ​ത് സി​പി​എം ക​

ഗ്രാ​മ​സ​ഭ സം​ബ​ന്ധി​ച്ച് ന​ൽ​കി​യ പ​രാ​തി​യി​ൽ ഒ​പ്പി​ട്ട​തി​നെത്തുട​ർ​ന്ന് ലോ​ക്ക​ൽ ക​മ്മി​റ്റി അം​ഗം വി​പി​ൻ​ദാ​സ്, ബ്രാ​ഞ്ച് സെ​ക്ര​ട്ട​റി​മാ​രാ​യ ശ്യാം, ​രാ​ജേ​ന്ദ്ര​ൻ, മോ​ഹ​ന​ൻപി​ള്ള എ​ന്നി​വ​രെ​യാ​ണ് പാ​ർ​ട്ടി വി​ചി​ത്ര​മാ​യ ന​ട​പ​ടി എ​ടു​ത്തു പു​റ​ത്താ​ക്കി​യ​ത്.പാ​ർ​ട്ടി​യി​ൽ​നി​ന്നു വി​ട്ടുപോ​യ​വ​രെ തി​രി​കെ എ​ത്തി​ക്കാ​ൻ സം​സ്ഥാ​ന ക​മ്മി​റ്റി​യു​ടെ നി​ർ​ദേശ​മു​ണ്ടെന്നിരിക്കെ ഒ​രു നേ​താ​വി​നുവേ​ണ്ടി പാ​ർ​ട്ടി മൂ​ല്യ​ങ്ങ​ൾ ന​ഷ്ട​പ്പെ​ടു​ത്തു​ന്നുവെന്ന് ആ​രോ​പി​ച്ചാണ് പ്ര​ദേ​ശ​ത്തെ 24 പാ​ർ​ട്ടി അം​ഗ​ങ്ങ​ൾ പാ​ർ​ട്ടി​യു​മാ​യി സ​ഹ​ക​രി​ക്കാതിരുന്നത്.

പാ​ർ​ട്ടി​യു​ടെ ജി​ല്ലാ, ഏ​രി​യ നേ​താ​ക്ക​ൾ കു​റ്റ​ക്കാ​ര​നാ​യ വാ​ർ​ഡ് അം​ഗ​ത്തെ സം​ര​ക്ഷി​ച്ച​താ​ണ് പ്ര​വ​ർ​ത്ത​ക​രെ പ്ര​കോ​പി​പ്പി​ച്ച​ത്. ഈ ​സാ​ഹ​ച​ര്യ​ത്തി​ലാ​ണ് എ​ല്ലാ​വ​രെ​യും ഉ​ൾ​പ്പെ​ടു​ത്തി ജ​ന​കീ​യ വി​ക​സ​ന സ​മി​തി രൂ​പ​വ​ത്ക​രി​ച്ച​ത്. സ​മാ​ന ചി​ന്താ​ഗ​തി​യു​ള്ള​വ​രെ ഉ​ൾ​പ്പെ​ടു​ത്തി പ​ഞ്ചാ​യ​ത്തി​ലെ എ​ല്ലാ വാ​ർ​ഡു​ക​ളി​ലും സ്ഥാ​നാ​ർ​ഥി​ക​ളെ നി​ർ​ത്താ​നും നീ​ക്ക​മു​ണ്ട്.

പ​ഞ്ചാ​യ​ത്ത്‌ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി പു​റ​ത്താ​ക്ക​പ്പെ​ട്ട​വ​ർ സിപിഎ​മ്മി​നും വി​വി​ധ ഘ​ട​ക​ങ്ങ​ൾ​ക്കും ക​ത്തു ന​ൽ​കി​യ​തി​നെ ത്തുട​ർ​ന്ന് ഏ​രി​യ ക​മ്മി​റ്റി ഓ​ഫീ​സി​ൽ സം​സ്ഥാ​ന ക​ൺ​ട്രോ​ൾ ക​മ്മീ​ഷ​ൻ അം​ഗം കെ.​എ​ച്ച്. ബാ​ബു​ജാ​നും ജി​ല്ലാ സെ​ക്ര​ട്ടേ​റി​യ​റ്റം​ഗം എ. ​മ​ഹേ​ന്ദ്ര​നും ഏ​രി​യ സെ​ക്ര​ട്ട​റി ബി. ​അ​ബി​ൻ​ഷാ​യും പു​റ​ത്താ​ക്ക​പ്പെ​ട്ട​വ​രെ വി​ളി​ച്ചു വി​ശ​ദീ​ക​ര​ണം തേ​ടി​യി​രു​ന്നു.

പാ​ർ​ട്ടി​യോ​ടൊ​പ്പം നി​ൽ​ക്കാ​ൻ അ​വ​ർ സ​ന്ന​ദ്ധ​ത അ​റി​യി​ച്ചെ​ങ്കി​ലും ഏ​രി​യ സെ​ന്‍റ​ർ അം​ഗം വ​ഴ​ങ്ങാ​ത്ത​തി​നെത്തുട​ർ​ന്ന് ച​ർ​ച്ച ഉ​പേ​ക്ഷി​ക്കു​ക​യാ​യി​രു​ന്നു. ഇ​തേ​ത്തുട​ർ​ന്നാ​ണ് ജ​ന​കീ​യ വി​ക​സ​നസ​മി​തി രൂ​പ​വ​ത്ക​രി​ച്ച​ത്.